31 мартдан 5 апрелга қадар Бразилиянинг Фос-ду-Игуасу шаҳри World Boxing ташкилоти кубоги баҳсларига мезбонлик қилди. Бугун мусобақанинг финал жанглари бўлиб ўтди. Эркаклар жамоаси билан иштирок этган Тўлқин Қиличев бошчилигидаги Ўзбекистон терма жамоаси 7 нафари финал йўлланмасига эгалик қилиб, якунда улардан 5 таси олтин медални нақд қилди. Яна 2 нафар финалчи эса кумуш медаллари билан тақдирланди.

Қайд этиш жоиз, Ўзбекистон эркаклар жамоаси 10 та вазннинг 8 тасида совриндор бўлиб, 5 тасида олтин медалларни қўлга киритди. Ушбу натижа умумжамоа ҳисобида биринчиликни олиб келди. Кейинги ўринларда мезбонлар Бразилия 3 та олтин, 2 кумуш ва 4 та бронза билан иккинчи, учинчи ўринни эса, Қозоғистон терма жамоаси банд этди. Уларнинг ҳисобида 3 олтин ва 3 та бронза бор.

Ўзбекистон терма жамоасининг барча ғолиб ва совриндорлари:

Олтин медаль:

-50 кг. Асилбек Жалилов

-75 кг. Фазлиддин Эркинбоев

-80 кг. Жавоҳир Умматалиев

-90 кг. Тўрабек Ҳабибуллаев

+90 кг. Жаҳонгир Зокиров

Кумуш медаль:

-55 кг. Миразизбек Мирзахалилов

-85 кг. Акмалжон Исроилов

Бронза медаль:

-60 кг. Мадияр Данияров

Терма жамоа мураббийлар штаби: Тўлқин Қиличев, Раҳматжон Рўзиоҳунов, Акмал Ҳасанов, Даврон Гафуров, Нодир Ғуломов, Лазизбек Зокиров, Ботиржон Маҳмудов.

• Бокс
• Braziliya
• Жаҳон кубоги
• Ўзбекистон