Хитой Халқ Республикаси Давлат кенгашининг маълум қилишича, Хитой мамлакат жануби-ғарбидаги Тибет автоном ҳудудида жойлашган Yarlung-Sangpo дарёсининг қуйи оқимида гидроэнергетика лойиҳасини қуришга расман старт берди.

Лойиҳага киритилаётган инвестицияларнинг умумий ҳажми тахминан 1,2 триллион юань, яъни 167,2 миллиард АҚШ долларига тенг. PowerChina қурилиш компанияси ҳисоб-китобларига кўра, ГЕС йилига 300 миллиард киловатт-соат электр энергияси ишлаб чиқариши мумкин.

Таъкидланишича, гидроэнергетика лойиҳасини амалга ошириш билан China Yajiang Group компанияси шуғулланмоқда, у қурилиш тугаллангандан сўнг объектдан фойдаланиш учун ҳам масъул бўлади.

Қурилиш тугаллангач, ушбу иншоот кўлами бўйича дунёдаги энг катта электр станциясидан Хубей вилоятидаги Yanszi дарёсида жойлашган “Sansya” (“Уч дара”) тўғонли гидроэлектр станциясидан ўзиб кетиши мумкин. “Sansya” ГЕСнинг лойиҳа қуввати 22,4 миллион киловаттни ташкил этади. ГЕС қурилиши 2008 йил октябрь ойида якунланган.

Январь ойида Хитой Хебей провинциясининг Ченде шаҳрида жойлашган Феннин гидроаккумулятсияловчи электр станцияси (ГАЭС) ишга туширганди.

• Tibet
• Хитой