Давлат комиссияси баёнига мувофиқ 2025/2026-ўқув йили учун республикада фаолият кўрсатаётган хорижий ва нодавлат олий таълим ташкилотларига 1 320 та давлат буюртмаси параметрлари тасдиқланди.

2025 йил 29 сентябрдан 5 октябрга қадар (5 октябрь тўловнинг охирги куни) муайян хорижий ва нодавлат олий таълим ташкилотларига тўлов-контракт асосида талабаликка тавсия этилган ёшлар учун мазкур баён билан тасдиқланган давлат буюртмаси параметрларига (талабаликка тавсия этилган олий таълим ташкилоти ва таълим йўналиши бўйича) абитуриент сифатида рўйхатдан ўтиш имконияти яратилади.

Ўтказилган тест синовлари натижасига кўра абитуриентларнинг тўплаган баллари кетма-кетлигига қатъий риоя қилган ҳолда шакллантирилиб, белгиланган тартибда расмийлаштириш учун 2025 йил 17 октябрга қадар тегишли олий таълим ташкилотларига етказилади.

Рўйхатдан ўтиш my.uzbmb.uz сайти орқали амалга оширилади.

Тестларда кимлар иштирок этиши мумкин?

– Илова (расм)да келтирилган ОТМларга тўлов-контракт асосида тавсия этилган абитуриентлар — улар тест синовларида иштирок этади;

– давлат ОТМларига ҳужжат топшириб, тестдан ўтган, лекин талабаликка тавсия этилмаган абитуриентлар (агар йўналиш ва фанлар мос келса) — улар ўзлари тўплаган баллари асосида, фанлар мажмуаси ва таълим тили мос бўлса, танловда қатнашади. Тест топширмайди.

Муҳим саналар:

Рўйхатдан ўтиш: 5 октябрга қадар (шу куни ҳам);

Тест синовлари: 12 октябргача ўтказилади;

Натижалар: 17 октябргача аниқ бўлади.

Эслатма: рўйхатдан ўтишда тестда иштирок этадиган абитуриентлардан Президентнинг ПҚ–4319-сон қарорига мувофиқ белгиланган миқдордаги тўлов ундирилади.

• Грант
• ОТМ
• Президент
• Qabul OTM
• Қарор