Чоршанба куни эълон қилинган илмий таҳлилларга кўра, Европанинг 12 та шаҳрида 2300 га яқин одам аномал иссиқ сабаб вафот этган.

Июнь ойи охири ва июль ойи бошида Ғарбий Европанинг аксар давлатларида ҳаддан ташқари иссиқ об-ҳаво кузатилди. Ҳарорат Испанияда 40 даражага қадар етди, Францияда эса ўрмон ёнғинлари авж олди.

Лондон империал коллежи ҳамда  Лондон гигиена ва тропик тиббиёт мактаби олимлари томонидан ўтказилган тадқиқотга кўра, ушбу даврда вафот этган деб тахмин қилинган 2300 кишидан 1500 кишининг ўлими иқлим ўзгариши билан боғлиқ дея таъкидланмоқда.

Тадқиқотлар Барселона, Мадрид, Лондон ва Милан каби Европанинг 12 йирик шаҳарларида олиб борилди. Натижада иқлим ўзгариши иссиқлик тўлқинларидаги ҳароратни нақд 4 даражагача оширгани қайд этилган.

Европа Иттифоқининг иқлим ўзгариши бўйича комиссиясининг ҳисоботида ёзилишича, жорий йилнинг июнь ойи 2024 ва 2023 йиллардаги июнь ойидан кейинги ўринда турувчи энг иссиқ даврга айланди.

Атмосферада иссиқхона газларининг чиқиндилари кўпайиб бориши сайёрамизнинг ўртача ҳарорати кундан-кунга ошиб бораётганлигини кўрсатади.

• Fransiya
• Ispaniya
• Европа
• аномал иссиқ