Ayni paytda Qoraqalpog‘iston Respublikasi Jo‘qorg‘i Kengesi raisi Amanbay O‘rinbayev boshchiligidagi delegatsiya Prezident topshirig‘i bilan Xitoyda amaliy safarda bo‘lib turibdi.

Safar doirasida delegatsiya jamoat transporti ishlab chiqarishga ixtisoslashgan yirik  Sichuan Zhongzhi Shenghe Performance Co., Ltd. kompaniyasiga tashrif buyurdi.

Uchrashuv davomida Qoraqalpog‘iston uchun Xitoydan 54 ta elektobus va ular uchun quvvatlash uskunalarini yetkazib berish masalalari muhokama qilindi.

Tomonlar umumiy qiymati 10 million AQSH dollariga teng loyihani amalga oshirish, jumladan, 54 ta elektobus hamda quvvatlash uskunalarini 2026-yil 1-avgustga qadar yetkazib berish bo‘yicha kelishuvga erishdi.

Shuningdek, jamoat transporti tizimini modernizatsiya qilish, ekologik toza transport vositalarini joriy etish va transport infratuzilmasini rivojlantirish masalalari yuzasidan fikr almashildi.