2026–2027-o‘quv yili uchun oliy va kasbiy ta’lim muassasalariga hujjat topshirgan abituriyentlarga test sinovlarida ishtirok etish uchun “Abituriyent ruxsatnomasi”ni berish boshlandi. Bu haqda Bilim va malakalarni baholash agentligi ma’lum qildi. Qayd etilishicha, abituriyentlar ruxsatnomani my.uzbmb.uz sayti orqali shaxsiy identifikatsiya raqami (JShShIR) hamda pasport (ID-karta) seriyasi va raqamini kiritgan holda yuklab olishlari mumkin. Test sinovlarida ishtirok etish uchun abituriyentlar belgilangan vaqtda test hududiga pasport (ID-karta) va abituriyent ruxsatnomasi bilan kelishlari shart. Pasport nusxasi yoki boshqa hujjatlar bilan kelgan, shuningdek, belgilangan vaqtdan kechikkan abituriyentlar test sinovlariga kiritilmaydi.