“Barselona” hech boʻlmaganda Chempionlar ligasining chorak finaliga qadar etib, 20 million yevro ishlab olishni umid qilgandi.

Goal xabariga koʻra, “Barselona” bu mavsumda Chempionlar ligasida oʻynash orqali, kamida 20 million yevro ishlab olishni kutgandi.

Manbaga koʻra, “Barselona” prezidenti Joan Laporta jamoaning turnir chorak finaliga chiqishini nazarda tutib, oʻz mavsumi uchun byudjet tuzgan.

Chempionlar ligasining 1/8 finaliga chiqish klublarga taxminan 9,6 yevro, chorak finalga chiqish esa yana 10,6 million yevro olib keladi. Shunday qilib, kataloniyaliklar kamida 20 million yevro yoʻqotishgan.

Oʻz navbatida, Joan Laporta ketma-ket ikkinchi marta Yevropa Ligasiga tushib ketayotgan Xavi jamoasi haqida fikr bildirdi.

“Xavi yaxshi ish qilyapti. Natija hissiy jihatdan juda qiyin boʻldi, turnirni tark etganimizni bilganimizdan keyin maydonga tushdik.

Hech kimni hech narsada ayblab boʻlmaydi. Biz hali ham bu jamoaning rivojlanishiga ishonamiz va umid qilamiz”, – dedi Laporta.

• Barselona
• Futbol
• Joan Laporta
• Xavi