Oliy ta’lim, fan va innovatsiyalar vazirligining xabar berishicha, “Talabalar turar joyi axborot tizimi”ga ma’lumotlarni yuklash ishlari yakunlangan. Shu munosabat bilan 1-kurs talabalari davlat xizmatlari markazlari yoki my.gov.uz portali orqali yotoqxonaga ariza berishlari mumkin.

Bu tizim orqali talabalar yotoqxonalarga joylashish uchun hujjatlarni masofadan turib topshiradi va o‘z arizasi holatini onlayn tarzda kuzatishi mumkin bo‘ladi.

Mazkur elektron xizmat talabalar uchun qulaylik yaratadi, hujjatlarni to‘g‘rilash jarayonida ortiqcha qog‘ozbozlik va vaqt yo‘qotilishining oldini oladi.

• Talabalar
• Yotoqxona