BMW kelajakda avtomobillar savdosining “agentlik” deb ataladigan shakliga o‘tishni va an’anaviy dilerlik markazlaridan bosqichma-bosqich voz kechishni rejalashtirmoqda. Bu haqda “Automotive News Europe” xabar berdi.

“Biz hozirda yevropalik dilerlarimiz bilan agentlik modeliga o‘tish bo‘yicha muzokaralar olib bormoqdamiz”, – dedi “VMW Group” savdo va marketing bo‘limi rahbari Piter Not. 

Ushbu model dilerlarning avtomobil narxlariga ta’sir qilish qobiliyatini pasaytiradi va ishlab chiqaruvchilar dilerlik ko‘rinishidagi vositachilarni chetlab o‘tib, o‘z mijozlariga murojaat qilishni boshlaydilar.

Taxminlarga ko‘ra, mijoz avtomobilni to‘g‘ridan-to‘g‘ri avtomobil ishlab chiqaruvchisidan buyurtma qiladi, mavjud zaxiradan mashina tanlaydi yoki buyurtma beradi. Shu bilan birga, dilerlik mijozga avtomashinani berish, shuningdek, xizmat ko‘rsatish funksiyasiga ega.

Aytgancha, faqatgina BMW asta-sekin dilerlardan voz kechib, to‘g‘ridan-to‘g‘ri savdoga o‘tishni rejalashtirayotgani yo‘q. Ya’ni Mercedes-Benz’da ham shunday reja bor: kompaniya yaqin yillarda Germaniyadagi avtosalonlar tarmog‘ini 15-20 foizga qisqartirish istagini allaqachon ma’lum qilgan. “Wolkswagen” ham xuddi shunday rejalarga ega.

BMW Ukrainadagi mojarolar sabab mart oyi boshidan beri Rossiyaga avtomobillarni yetkazib bermayapti. Kompaniya bu qarorini “mavjud geosiyosiy vaziyat va avtomobil komponentlarini logistika muammosi mahalliy yig‘ishni davom ettirishga imkon bermayotgani” bilan izohlagan. 

Ayni paytda faqat Rossiyaga yetkazib berilgan mashinalarni sotib olishi mumkin. Avtomobillarga texnik xizmat ko‘rsatishga kelsak, hozirgi vaziyatda VMW “kafolat majburiyatlarining bajarilishini to‘liq ta’minlashga” harakat qiladi.

• BMW
• Mercedes-Benz