Ukraina poytaxti shahar kengashi Buyuk Britaniyaning sobiq bosh vaziri Boris Jonsonga Kiyevning faxriy fuqarosi unvonini berdi. Bu haqda bugun, 24-noyabr kuni shahar meri Vitaliy Klichko o‘z Telegram kanalida ma’lum qildi.

“Kiyev shahar kengashi Ukrainaning buyuk do‘sti Boris Jonsonga “Kiyevning faxriy fuqarosi” unvonini berish to‘g‘risidagi qarorni ma’qulladi” , — deb yozdi Klichko.

Siyosatchi sobiq bosh vazirga Ukrainani qo‘llab-quvvatlagani uchun minnatdorchilik bildirdi va mukofotni topshirish uchun uni navbatdagi shaxsiy tashrif bilan kutayotganini ma’lum qildi.

Ma’lumot uchun, Boris Jonson Buyuk Britaniya Bosh vaziri bo‘lib ishlagan vaqtida Ukrainaga faol qurol yetkazib berish tarafdori bo‘lib, Ukraina qo‘shinlari uchun har to‘rt oyda 10 000 nafargacha askarni tayyorlash imkoniyatiga ega keng ko‘lamli o‘quv amaliyotini boshlashni taklif qilgan.

• Boris Jonson
• Kiyev
• Klichko
• Ukraina