Bugun, futbol bo‘yicha Jahon chempionati saralash bosqichining 7-turi doirasidagi bir qator o‘yinlar bo‘lib o‘tadi. E’tiborli jihati shundaki, O‘zbekiston terma jamoasi ushbu turda qo‘shni mamlakat Qirg‘iziston Respublikasi terma jamoasini o‘z maydonida qabul qiladi. O‘yin soat 21:00 da, “Bunyodkor” stadionida bo‘lib o‘tadi.

Jamoalar o‘rtasidagi ilk bahs 2024-yil Qirg‘izistonda o‘tkazilgan edi. Unda 2:3 hisobida O‘zbekiston terma jamoasi g‘alaba qozongan edi. Bugungi bahsdagi g‘alaba Jahon chempionati yo‘llanmasi uchun yana bir muhim qadam hisoblanadi.

Ayni paytda O‘zbekiston terma jamoasi “A” guruhida 13 ochko bilan 2-o‘rinda bormoqda. Terma jamoa vakillari 25-mart kuni guruh peshqadami Eron termasi bilan to‘qnash keladi.

• Futbol
• O‘zbekiston
• Qirg‘iziston
• Terma jamoa