Bugun Italiya poytaxti Rim shahrida Butunjahon taekvondo Gran pri musobaqasi start oladi.

-68kg vazn toifasida o‘zbekistonlik Olimpiada chempioni, musobaqada 2-raqam ostida saralangan Ulug‘bek Rashitov ilk bosqichda 31-raqamda saralangan ivuarlik Aaron Kobenan bilan to‘qnash keladi. Ushbu bahs g‘olibi Xo Jun Jin (Janubiy Koreya) - Ferhat Jan Kavurat (Turkiya) jangi g‘olibi bilan uchrashadi. 

Shu vaznda yana bir hamyurtimiz Niyaz Po‘latov ham ishtirok etadi. Po‘latov dastlabki bosqichda fransiyalik Dilan Chellamotoga qarshi jang qiladi. Bu bahs g‘olibi nimchorak finalda Xavyer Peres Polo (Ispaniya) - Faysal Saidi (Marokash) jangida zafar quchgan taekvondochiga to‘qnash keladi. 

-57kg vazn toifasida o‘zbekistonlik Charos Qayumova ilk bosqichda vengliyalik Luka Patakfalviga qarshi jang qiladi. Ushbu bahsda g‘olib chiqqan sportchi keyingi bosqichda Zelixa Agris (Turkiya) - Nada Laaraj (Marokash) jangi g‘olibasiga qarshi to‘qnash keladi.

• O‘zbekiston
• Rim
• Taekvondo