Davlat xavfsizlik xizmatining Buxoro viloyati bo‘yicha boshqarmasi xodimlari tomonidan Iqtisodiy jinoyatlarga qarshi kurashish departamenti hamda Milliy gvardiyaning hududiy boshqarmalari bilan hamkorlikda o‘tkazilgan tezkor tadbirda, Buxoro shahrida yashovchi, 1998-yilda tug‘ilgan shaxs va Buxoro tumanida istiqomat qiluvchi, 1984-yilda tug‘ilgan fuqaro o‘zaro til biriktirib, O‘zbekistonda erkin sotilishi taqiqlangan, 3 dona flakonda bo‘lgan jami 343 gr simob moddasini 35 ming AQSh dollariga sotgan vaqtlarida ashyoviy dalillar bilan ushlangan. Bu haqda DXX matbuot xizmati xabar berdi.

Hozirda ularga nisbatan Jinoyat Kodeksining 185-1-moddasi 2-qismi “b”, “v” bandlari bilan jinoyat ishi qo‘zg‘atilib, tergov harakatlari olib borilmoqda.

• Buxoro
• DXX