Buxoro viloyati hokimining 24-yanvardagi qaroriga muvofiq, endilikda Buxoro shahridagi jamoat transportida yo‘lkira haqini to‘lashda naqd pulsiz to‘lov tizimi joriy etiladi. Ushbu tizim bosqichma-bosqich amalga oshiriladi. Birinchi bosqich 2026-yil 1-fevraldan:

- 2-sonli Buxoro ASHB—Sitora bozor; 

- 5-sonli F.Xo‘jayev MFY—To‘qimachi bosh bekati;

- 10-sonli Alpomish ko‘chasi—Shayxon MFY; 

- 17B-sonli Chorbakr bosh bekati—Aeroport;

- 19-sonli Karvon bozori—Karvon shopping;

- 33-sonli Trikotaj fabrikasi—Mohi Xosa sanatoriychi;

- 1-sonli Buxoro AShB—Zarmanoq avtobus yo‘nalishlarida yo‘lkira haqini to‘lashda naqd pulsiz to‘lov tizimi joriy etiladi.

Ikkinchi bosqich 2026-yil 1-apreldan qolgan harakatdagi mavjud yo‘nalishlarda to‘lovlar faqat elektron tarzda qabul qilinishi yo‘lga qo‘yiladi.

Buxoro shahar hokimligi 1 oy muddatda shahardagi barcha avtobus bekatlarini elektron chipta sotishning o‘ziga o‘zi xizmat ko‘rsatuvchi avtomatlashtirilgan infokiosklarni Buxoro shahrida faoliyat ko‘rsatayotgan barcha avtobus yo‘nalishlari hamda bekatlariga bosqichma-bosqich o‘rnatish choralarini ko‘radi.

Buxoro shahridagi jamoat transportida yo‘lkira haqi bir yo‘lovchi uchun 3 ming so‘mni tashkil etmoqda. ATTO orqali to‘langanda 2 ming so‘m bo‘ladi.

• Buxoro
• Jamoat transporti