Portugaliya milliy terma jamoasi bosh murabbiyi Roberto Martines iste’foga chiqqanini rasman e’lon qildi. Bu haqda u Ispaniyaga qarshi Jahon chempionati 1/8 final uchrashuvidan keyingi matbuot anjumanida ma’lum qildi. Portugaliya mazkur bahsda Ispaniyaga 0:1 hisobida mag‘lub bo‘lib, mundial bilan xayrlashdi. Yagona gol qo‘shimcha vaqtning ilk daqiqasida urildi.

“Bu sikl yakunlandi. Endi oldinga qarash kerak. Milliy terma jamoa bosh murabbiyini tanlash federatsiya prezidentining vakolati. Menga bildirilgan barcha qo‘llab-quvvatlov uchun minnatdorman”, — dedi Roberto Martines. 52 yoshli mutaxassis Portugaliya terma jamoasini 2023 yil yanvaridan boshqarib kelayotgandi. Uning qo‘l ostida jamoa 2024–2025 yilgi UEFA Millatlar ligasida chempion bo‘ldi. Endilikda Ispaniya terma jamoasi Jahon chempionati chorak finalida Belgiya bilan kuch sinashadi.