Avstraliyalik mutaxassis Anje Postekoglu Saudiya Arabistonining “Al-Nasr” klubi bosh murabbiyi etib tayinlandi. Klub matbuot xizmati ma’lumotiga ko‘ra, tomonlar ikki mavsumga mo‘ljallangan shartnoma imzolagan.

60 yoshli murabbiyning so‘nggi ish joyi Angliyaning “Nottingem Forest” klubi bo‘lib, u jamoani o‘tgan yilning oktyabr oyida tark etgandi. U “Al-Nasr”da portugaliyalik mutaxassis Jorje Jezushning o‘rnini egalladi. Postekoglu faoliyati davomida Avstraliyaning “Saut Melburn”, “Brisben Roar” va “Melburn Viktori”, Yaponiyaning “Yokogama F. Marinos”, Shotlandiyaning “Seltik” klublari hamda Avstraliyamilliy terma jamoasini boshqargan. U “Saut Melburn” va “Brisben Roar” bilan ikki marta Avstraliya chempioni bo‘lgan. Shuningdek, “Yokogama F. Marinos” bilan Yaponiya chempionligi, “Seltik” bilan esa ikki marta Shotlandiya chempionligi, mamlakat Kubogi va Liga kubogini qo‘lga kiritgan. 2015 yilda Avstraliya terma jamoasini Osiyo kubogi g‘olibligiga ham olib chiqqan.

2023–2025 yillarda Angliyaning “Tottenhem” klubini boshqargan Postekoglu uning rahbarligida jamoani 2024/25 yilgi UEFA Yevropa ligasi g‘olibligiga yetakladi. Bu “shporlar” uchun 2008 yildan buyongi ilk rasmiy sovrin bo‘ldi. Biroq o‘sha mavsumda klub Angliya Premer-ligasini 17-o‘rinda yakunlagan edi. Endi avstraliyalik mutaxassis “Al-Nasr”da jamoa yetakchisi Krishtianu Ronaldu bilan birga ishlaydi.