31°
Kechasi 18°
Kolumbiya terma jamoasi 2026-yilgi Jahon chempionatining 1/16 finalida Gana ustidan 1:0 hisobida g‘alaba qozonib, musobaqaning nimchorakfinal bosqichiga yo‘llanma oldi. Kanzas-Siti shahrida bo‘lib o‘tgan uchrashuvdagi yagona gol 14-daqiqada Jon Arias tomonidan kiritildi. Mazkur gol Kolumbiyaga keyingi bosqich yo‘llanmasini taqdim etdi. Shu tariqa, Janubiy Amerika vakillari nimchorakfinalga chiqqan so‘nggi jamoaga aylandi. Endi Kolumbiya chorakfinal yo‘llanmasi uchun 7-iyul kuni Vankuver shahrida Shveysariyaga qarshi maydonga tushadi.
Shveysariya 1/16 finalda Jazoirni 2:0 hisobida mag‘lub etgandi. Eslatib o‘tamiz, Kolumbiya guruh bosqichida O‘zbekiston, Portugaliya va Kongo Demokratik Respublikasi bilan bir guruhdan joy olgan edi. Janubiy amerikaliklar ikki g‘alaba va bir durang bilan 7 ochko jamg‘arib, guruhni birinchi o‘rinda yakunlagan. Guruh bosqichida Kolumbiya O‘zbekistonni 3:1 hisobida mag‘lub etgandi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
