Argentina milliy terma jamoasi va AQShning “Inter Mayami” klubi hujumchisi Lionel Messi terma jamoadagi faoliyati asta-sekin yakuniga yetmoqda deb hisoblaydi:

“Men ilgari ham aytganimdek, JCh da yana o‘ynaymanmi yoki yo‘qmi bilmayman. Yoshimni hisobga olsak, men u vaqtlargacha yetib bormasam kerak.

Lekin biz hozir JCh ga juda yaqinmiz. Har doim aytganimdek: kunma-kun, o‘yindan-o‘yinga yashayman. Men o‘zimni qanday his qilsam, keyin shunga qarab qaror qabul qilaman.

Kun sayin o‘zimni yaxshi his qilishga harakat qilyapman, va eng muhimi o‘zimga ishonyapman. Agar yaxshi holatda bo‘lsam – zavq olaman, lekin agar bunday bo‘lmasa va o‘zimni yaxshi his qilmasam, mundialda o‘ynamaslikni afzal ko‘raman.

Shunday ekan, ko‘ramiz, hali bu borada yakuniy qaror qabul qilmaganman. Umid qilamanki, 2026-yilda yaxshi tayyorgarlik ko‘raman va AQSh dagi musobaqani yaxshi yakunlayman va shundan so‘ng so‘nggi qarorimni qabul qilaman”

• Argentina
• Futbol
• Messi
• Terma jamoa