Xorvatiya milliy terma jamoasi afsonasi Luka Modrich milliy jamoadagi faoliyatini rasman yakunladi. Bu haqda futbol insayderi Fabritsio Romano ma’lum qildi. Jahon chempionati 1/16 finalidagi Portugaliya — Xorvatiya uchrashuvidan so‘ng Krishtianu Ronaldu maydonda Modrich oldiga borib, unga hurmat bajo keltirdi. “O‘yin tugagach, Krishtianu Ronaldu Luka Modrichning oldiga borib, unga hurmat bajo keltirdi. Bu Modrichning milliy terma jamoadagi so‘nggi uchrashuvi edi. Ikki futbol afsonasi. Hurmat”, — deb yozdi Fabritsio Romano.

Torontodagi BMO Field stadionida o‘tgan bahsda Portugaliya 2:1 hisobida g‘alaba qozondi. Modrich uchrashuvni to‘liq o‘tkazgan bo‘lsa, Ronaldu 68-daqiqada penaltidan gol urdi. Luka Modrich Xorvatiya terma jamoasidagi debyutini 2006 yilning mart oyida o‘tkazgan. U milliy jamoa tarixida eng ko‘p o‘yin o‘tkazgan futbolchi sifatida faoliyatini yakunladi. Afsonaviy yarim himoyachi Xorvatiya safida 200 ta o‘yin o‘tkazib, 27 ta gol va 29 ta golli uzatma muallifi bo‘ldi. Shuningdek, u milliy terma jamoa safida 200 ta o‘yin o‘tkazgan jahon futboli tarixidagi to‘rtinchi futbolchiga aylandi. Undan avval bu natijaga Krishtianu Ronaldu, Lionel Messi va Bader Al-Mutva erishgan edi.