AQSHning Michigan shtatidagi Fairlane Town Center savdo markazida sodir bo‘lgan otishma oqibatida ikki kishi halok bo‘ldi, yana bir kishi jarohat oldi. ABC News ma’lumotiga ko‘ra, hodisa 3-iyul kuni mahalliy vaqt bilan soat 13:30 atrofida yuz bergan.
Politsiya ma’lum qilishicha, jabrlanuvchilardan biri voqea joyida, ikkinchisi esa shifoxonada vafot etgan. Yana bir jabrlanuvchiga tibbiy yordam ko‘rsatilmoqda.
Dastlabki tergovga ko‘ra, otishma tasodifiy hujum emas, balki savdo markazida bir-birini tanigan ikki guruh o‘rtasidagi janjal qurolli to‘qnashuvga aylangani oqibatida sodir bo‘lgan. Hozircha hech kim hibsga olinmagan, voqea yuzasidan tergov davom etmoqda.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!