Parijliklar ustozi Kilian Mbappening PSJda qolishi haqida gapirdi.

“Mbappening qarori meni ajablantirmadi. Biz u hali hech narsa qaror qilmaganiga va tanlov so‘nggi daqiqada amalga oshirilishiga amin edik. PSJning barcha futbolchilari uning qarori haqida e’lon qilinishidan yarim soat oldin bilishgan. Faqat Ashraf Hakimi oldindan bilar edi.

Menga Mbappe yangi shartnoma imzolashi haqida ham rasman ma’lum qilingan edi, bu e’londan yarim soat oldin. Uning yonida bo‘lsak ham, yakuniy qarorni bilmas edik. Bu haqda menga klub prezidenti (Nosir Al-Xelayfi) aytdi.

Albatta, Mbappening rad javobi “Real” uchun omadsizlik. Men bu masala bo‘yicha o‘z fikrimni baham ko‘rmayman. Qaror - bu qaror. Bu klubga, muxlislarga, Fransiya ligasiga foyda keltiradi”, – dedi murabbiy El Partidazo de COPE shousida.

• Futbol
• Mbappe
• PSJ
• Pochettino