ITMO universiteti qoshidagi SCAMT xalqaro ilmiy markazi olimlari teri osti choklari uchun maxsus tibbiy material ishlab chiqishdi. Qayd etilishicha, bu infeksiyalar paydo bo‘lishini kuzatishga yordam beradi.

Bemorlarning 10-20 foizida tibbiy operasiyalar yoki muolajalardan keyin yomon asoratlar paydo bo‘ladi. Ular “kasalxona faunasi” tufayli yaralarda rivojlanadi. Yangi materialning asosi tarkibi tabiiy o‘rgimchak to‘ridan iborat. O‘rgimchak bu turdagi to‘rni radial tarzda emas, balki to‘g‘ridan-to‘g‘ri ravishda to‘qiydi. Shunday qilib, ularni yetarli hajmda to‘plash va qayta ishlash osonroq.

Choklarni to‘ldiruvchi – floresan xususiyatlarga ega uglerod nuqtalari hisoblanadi. Ular tibbiy ipni terining ostida porlashiga imkon beradi. Bundan tashqari, bu qo‘shimchalar biologik mos keladi va ular parchalanishi mumkin, ya’ni ular odamga zarar yetkazmaydi va toksinlar hosil qilmasdan asta-sekin parchalanadi.

Ushbu jarayonga atalgan maqolaning birinchi muallifi, ITMO universiteti magistranti Yelizaveta Malseva shunday tushuntiradi:

“Shifokorlar odamning infeksiya yuqtirgan yoki yo‘qligini maxsus ko‘k chiroq yordamida aniqlaydilar. Teri ostida yallig‘lanish bo‘lmasa, o‘rgimchak to‘ri tolasi porlaydi. Agar patogen tanaga kirsa, floresan ta’sir bo‘lmaydi”.

Tadqiqot mualliflari texnologiyani kasallik tarqatuvchi hisoblangan va eng keng tarqalgan yuqumli maxsulotlarda sinab ko‘rishdi. Ular orasida “Staphylococcus aureus”, “E. Coli” va kandidozni keltirib chiqaradigan qo‘ziqorin o‘rin olgan.

Olimlar allaqachon inson hujayralariga nisbatan materialning biologik muvofiqligi va toksikligi bo‘yicha testlarni o‘tkazdilar. Kelajakda ular foydali xususiyatlarini qancha vaqt saqlab qolishini tushunish uchun materialning parchalanishini batafsilroq o‘rganish rejalashtirilmoqda. Keyingi qadam haqiqiy ish sharoitida sinovlarni o‘tkazishdan iborat ekanligi ma’lum qilingan.

• O'rgimchak
• Tibbiyot
• ilm-fan