“Barselona” yarim himoyachisi Frenki De Yong Kataloniya klubidan norozi. U klubni o‘ziga nisbatan hurmatsizlik qildi deb hisoblaydi. Iyul oyi boshlarida “ko‘k-anorranglilar” niderlandiyalikni “My” ga o‘tishga majburlamoqchi bo‘lganda, OAVda futbolchining shartnoma tafsilotlari haqida ba’zi ma’lumotlar tarqalgan. Natijada, bu jamoatchilikning noroziligiga sabab bo‘lgan edi.

“Mening shartnomam tafsilotlari ommaga e’lon qilindi. Bu ishni qilmadim. Bu ma’lumotlarni mendan boshqa faqat yana bir tomonni huquqi bor edi. Bu “Barsa” tomonidan tarqatilgan. Shundan so‘ng ortiqcha umuman keraksiz harakat bo‘lganini o‘ylab qoldim. To‘satdan hayolimga bir fikr keldi: aslida mening shartnomam haqiqiymidi? Chunki, mening shartnomam Bartameu bilan – uning bunga huquqi bo‘lmagan paytda tuzilgan edi.

Klubning bu ishidan g‘azablandim, lekin vaziyatga ta’sir o‘tkaza olmadim. Murabbiy menga qarshi ekanligini his qilmadim. Intervyularida u har doim mening o‘yinlarimdan mamnunligini bildirdi va “Barselona”dagi muammo iqtisodiy soha bilan bog‘liqligini aytdi. Menimcha, bu mavzuda gapirish qiyin bo‘lgan” – deydi futbolchi.

• Barselona
• Frenki De Yong
• Xavi