Chiqindilarni boshqarish va sirkulyar iqtisodiyot agentligi huzuridagi direksiya respublika bo‘ylab poligonlarni qisqartirish bo‘yicha ishlar olib bordi.  2024–2025-yillarda jami 47 ta poligonda rekultivatsiya va tuproq qatlami bilan yopish ishlari bajarildi.

Shu bilan birga, respublika bo‘ylab jami 42 ta chiqindi to‘plash poligonining faoliyati tugatilib, 90 gektarga yaqin yer maydoni tabiatga qaytarildi. Hozirda direksiya balansiga 185 ta maishiy chiqindi poligoni o‘tkazilgan bo‘lib, ularda bosqichma-bosqich optimallashtirish ishlari davom etmoqda.

Bu ishlar Prezident Shavkat Mirziyoyevning “Chiqindilarni boshqarish tizimini takomillashtirish” farmoni hamda “O‘zbekiston – 2030” strategiyasi doirasida amalga oshirilmoqda.

• Chiqindi
• Ekologiya
• tabiat