Afsonaviy Pelening qizi Keli Nasimento 82 yoshli braziliyalikning qarindoshlari u bilan xayrlashgani shifoxonaga kelgani aks etgan videoni chop etdi.

Marca xabariga koʻra, uch karra jahon chempionining yaqinlari Pelening ahvoli nihoyatda ogʻir ekanini tushunishadi.

Uning oʻgʻli Edinyo otasi bilan kasalxonada, chunki eng fojiali holat bir necha soat ichida yuz berishi mumkin.

Futbol qiroli yoʻgʻon ichak saratonining progressiv oqibatlari bilan kurashishda davom etmoqda. U Rojdestvo bayramini kasalxonada oʻtkazishga majbur boʻldi.

Kasallik oʻtgan yilning kuzida Peleda aniqlangan, shundan soʻng 82 yoshli braziliyalik kimyoterapiyadan oʻtgan, biroq keyinchalik organizm bunga javob bermay qolgan.

Shu sabab bilan uning ahvoli asta-sekin yomonlasha boshladi va 29-noyabr kuni tekshiruvlar oʻtkazish va davolash kursini oʻzgartirish uchun kasalxonaga yotqizilgan.

• Futbol
• Pele