Bunga is gazidan zaharlanish sabab bo‘lgan.

Qozog‘istonning Mang‘istov viloyati Mo‘ynoli tumanidagi xususiy turar joy binosida 7 nafar O‘zbekiston fuqarosi is gazidan vafot etdi. Bu haqda Nur.kz xabar bermoqda.

Baxtsiz hodisa 2-mart kuni Basquduq qishlog‘idagi xususiy uyda sodir bo‘lgan. Yordamga yetib kelgan qutqaruvchilar va tez tibbiy yordam brigadalari voqea joyida yetti kishini aniqlagan. Ulardan besh nafari voyaga yetmaganlar bo‘lgan, barchasi vafot etgan.

Mang‘istov viloyati Favqulodda vaziyatlar boshqarmasining ma’lum qilishicha, hodisa gaz uskunalaridan foydalanish qoidalarining buzilishi oqibatida yuz bergan.

“Qurbonlarning bari O‘zbekiston fuqarolari bo‘lib, Qozog‘istonda vaqtincha istiqomat qilgan”, – deyiladi hokimlik xabarida.

Ma’lum qilinishicha, halok bo‘lgan oilaning yaqinlariga har tomonlama yordam ko‘rsatiladi, jumladan, dafn marosimi o‘tkaziladi. Vaziyat Mangistov viloyati hokimining shaxsiy nazoratiga olingani aytilmoqda.

• Is gazi
• Qozog‘iston
• Zaharlanish