“Qozog‘istonning Olmaota shahrida mushkul ahvolda qolgan vatandoshimiz G.R. va uning ikki nafar voyaga yetmagan farzandlari O‘zbekiston diplomatlari ko‘magida mamlakatimizga olib kelindi”, – deb xabar qilmoqda “Dunyo” axborot agentligi.

Mazkur insonparvarlik ko‘magi O‘zbekistonda 30-iyuldan 30-avgustgacha e’lon qilingan “Vatanga qaytarish” xayriya aksiyasi doirasida amalga oshirilgan.

Diplomatlar G.R. va uning ikki nafar voyaga yetmagan farzandini Olmaota-Toshkent yo‘nalishidagi aviaqatnovi bilan O‘zbekistonga qaytarilgan.

G.R. O‘zbekistonga qaytgandan so‘ng Toshkent viloyati hokimligi hamda Oila va xotin-qizlar qo‘mitasi viloyat bo‘limi vakillari tomonidan Toshkent xalqaro aeroportida kutib olingan. Shuningdek, ularga psixologik, moddiy va boshqa masalalarda zarur yordam ko‘rsatilmoqda.

• O‘zbekistonlik
• Qozog‘iston
• fuqaro