Amerikaning Google internet-kompaniyasi hisobotiga ko‘ra, rossiyalik xakerlar Sharqiy Yevropadagi NATO va bir qancha armiyalarga hujum qilgan. Bu haqida 30-mart, chorshanba kuni Google Threat Analysis Group hisobotida muhokama qilindi.

Qayd etilishicha, Rossiyada joylashgan Coldriver (shuningdek, Callisto deb ataladi) nomli xakerlar guruhi Sharqiy Yevropadagi bir qancha mamlakatlar qurolli kuchlari, shuningdek, NATO markazini nishonga olgan. 

“Rossiya xakerlari yaqinda baʼzi mamlakatlar tashkilotlari va qurolli kuchlari tarmoqlariga buzib kirishga harakat qilishdi”, – deya ta’kidlaydi Google Threat Analysis Group.

Hisobotda qaysi harbiylar Rossiyaning Coldriver yoki Callisto nomli guruhi tomonidan boshlangan Google “hisob maʼlumotlari boʻyicha fishing kompaniyalari”ni nishonga olgani aytilmagan.

“Ushbu kampaniyalar yangi yaratilgan Gmail akkauntlari yordamida Google bo‘lmagan akkauntlarga yuborilgan, shuning uchun bu kompaniyalarning muvaffaqiyat darajasi noma’lum”, – deyiladi hisobotda.

Qayd etish joiz, hozircha NATO tashkiloti ushbu xabarlarga rasmiy izoh bergani yo‘q.

• NATO
• Rossiya
• veb-sayt
• xaker