Rossiyada butun mamlakat bo‘ylab qishda kuchli sovuq va kuchli qor yog‘ishi kutilmoqda. Bu haqda “Novosti mail” xabar bermoqda.

Sinoptiklarning ogohlantirishicha, kelayotgan qish 250 yildagi eng sovug‘i bo‘lishi mumkin. Markaziy va Volgabo‘yi hududlarida havo harorati Selsiy bo‘yicha -35 darajagacha pasayib, qor yog‘ishi 400 millimetrga, shamol esa soniyasiga 22 metrgacha kuchayishi mumkin.

Uralsda havo harorati minus 40 darajagacha pasayib, qor bo‘ronlari va 350 millimetrgacha yog‘ingarchilik bo‘lishi kutilmoqda. Krasnoyarsk o‘lkasi va Novosibirsk viloyatida qariyb 900 millimetr qor yog‘ishi va harorat Selsiy bo‘yicha -38 darajagacha tushishi mumkin.

Uzoq Sharqda harorat me’yordan past bo‘lishi kutilmoqda: Primoryeda harorat ba’zi joylarda -35 darajagacha, Kamchatka va Magadanda esa -32 darajagacha pasayib, yog‘ingarchilik 450 millimetrdan oshib, sekundiga 30 metrgacha shamol esadi.

Ehtimoli yuqori ssenariyga ko‘ra, Rossiyada kelayotgan qish o‘tgan yilga qaraganda sovuqroq bo‘ladi.

• Qish mavsumi
• Rossiya
• sovuq