Dunyo bo‘ylab har kuni isteʼmol qilinadigan 18 milliard sigaretaning faqat uchdan bir qismi chiqindi yoki qayta ishlash konteyneriga tushadi. Slovakiya ularni yo‘q qilishning yangi usulini topdi, deb xabar beradi Kazinform agentligi Yeuronews’ga tayanib.

Slovakiya poytaxtidagi maishiy chiqindilarni boshqarish kompaniyasi innovatsion chiqindilarni yig‘ish va qayta ishlash loyihasini ishga tushirdi.

Shahardagi Rojdestvo bozorida standart sigaret filtrlari, zamonaviy turdagi sigaretalar va veypni yig‘ish uchun maxsus idishlar sinovdan o‘tkazildi.

Shahar hokimiyati ushbu materialdan asfalt tayyorlash uchun foydalanishni rejalashtirmoqda.

Rasmiylar bu ko‘chalarni toza saqlash va chiqindilarni samarali foydalanishga yordam beradi, deb umid qilmoqda.

Bratislavadagi Odvoz a Likvidácia Odpadu (OLO) maishiy chiqindilarni qayta ishlash kompaniyasi 2024-yildan jamoat joylariga sigaret qoldiqlari uchun idish o‘rnatilishini maʼlum qildi.

Qayta ishlashning o‘zi yangilik bo‘lmasa-da, sigaret qoldig‘i idishlari dunyoda birinchi marta qo‘llanilishi arafasida.

SPAK-EKO va EcoButt kompaniyalari birgalikda tamaki chiqindilaridan asfalt ishlab chiqarishni boshladilar.

“Jamoat joylari, festivallar, musobaqalar, bozorlar yoki boshqa shahar tadbirlariga tashrif buyurganlar sigaret qoldiqlarini maxsus idishga tashlasalar, nafaqat atrof-muhitni tozalash, balki bu turdagi chiqindilarni yo‘q qilishga ham hissa qo‘shgan bo‘lardi”, – deydi OLO kompaniyasining aylanma iqtisodiyot menejeri Martina Chexova.

• Innovatsiya
• Kashfiyot
• slovakiya