Sovet Ittifoqining birinchi va yagona prezidenti Mixail Gorbachyov dafn etildi.

Sovet Ittifoqining sobiq prezidenti Mixail Gorbachyov shanba kuni davlat dafn etildi, unda Rossiya prezidenti Vladimir Putin  ishtirok etmadi.

Sovuq urushni tugatgani sabab G‘arbda hurmatga sazovor bo‘lgan, lekin Sovet Ittifoqining qulashi va millionlab odamlarning iqtisodiy tanazzulga uchragani tufayli ko‘pchilik tomonidan nafratga uchragan Gorbachyovning tobutiga Putin payshanba kuni gul qo‘ygan edi.

91 yoshida vafot etgan Gorbachyov Moskvadagi Novodevichy qabristonida rafiqasi Raisa yoniga dafn etildi.

Sobiq Prezident bilan vidolashuv marosimi Kreml yaqinidagi mashhur qasr – Uyushmalar uyining ustunlar zalida o‘tkazildi.

Mixail Gorbachyov bilan vidolashuv marosimi o‘tkazilgan Ustunlar zalida bugun minglab odamlar saf tortdi.

SSSRning birinchi va yagona prezidentiga elchilar, rus va xorijiy siyosatchilar tomonidan gulchambarlar olib kelindi.

Shuningdek, dafn etish marosimida mashhur xonandalar, san’atkorlar, siyosatchilar qatnashishdi.

“Sovet Ittifoqi aholisining 20 millioni qamoqda edi, qolgan 60 foizini kolxozlarga haydashdi va u bu mamlakatni o‘zgartirdi, uni amalda Yevropa davlatiga aylantirdi”, – deb fikr bildirdi prodyuser Bari Alibasov.

• AQSh
• Mixail Gorbachyov
• Putin
• Ukraina