33°
Kechasi 15°
Dunyoning ikkinchi raqamli raketka ustasi, rossiyalik tennischi Daniil Medvedev Avstraliya ochiq chempionatining toʻrtinchi davra bellashuvida gʻalaba qozondi va chorak finalga yoʻl oldi.
Medvedevning ushbu bosqichdagi raqibi ATP reytingida 70-oʻrinni egallab turgan AQSH vakili Maksim Kressi boʻldi.
Dastlabki ikki setda Daniil, uchinchisida esa Kressi ustun keldi. Ammo toʻrtinchi setni oʻz foydasiga hal qilgan rossiyalik tennischi 6:2, 7:6 (7:4), 6:7 (4:7), 7:5 hisobida zafar quchdi. Qarama-qarshilik 3 soat 27 daqiqa davom etdi.
Shuningdek, “Katta Dubulgʻa” turkumiga kiruvchi turnirlarning 20 karra gʻolibi, ispaniyalik Rafael Nadal esa fransiyalik Adrian Mannarinoni 7:6 (16:14), 6:2, 6:2 hisobida taslim qildi va 2 soat 41 daqiqa davom etgan uchrashuvni oʻz foydasiga hal qildi.
Yarim finalga chiqish uchun Medvedev kanadalik Feliks Oje-Alyassim, Nadal esa boshqa bir kanadalik Denis Shapovalovga qarshi kortga chiqadi.
Eslatib oʻtamiz, mavsumning ilk “Katta Dubulgʻa” musobaqasi joriy yilning 30-yanvar kuni yakunlanadi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
