Braziliyaning Vale kon kompaniyasi Tesla bilan 1-darajali nikel (deyarli 100% metall tarkibi) yetkazib berish bo‘yicha uzoq muddatli shartnoma tuzdi. Bu haqda Vale saytidagi xabarda so‘z boradi. U bitimning moliyaviy shartlari, shartnoma muddati va boshqa shartlarni oshkor qilmagan. 

Ta’kidlanishicha, Vale faqat Kanadada ishlab chiqarilgan metallni AQShga yetkazib bermoqchi. Nikel elektr transport vositalarida qo‘llaniladigan eng kuchli litiy-ionli akkumulyatorlarning tarkibiy qismlaridan biri hisoblanadi.

Financial Times nashrining qayd etishicha, Vale bilan kelishuv Tesla’ning xitoylik bo‘lmagan hamkorlardan yetkazib berishni ko‘paytirish bo‘yicha so‘nggi harakatidir. Tahlilchilarning fikriga ko‘ra, hozirda dunyodagi nikel ishlab chiqarishning 80% dan ortig‘i Xitoyda joylashgan va dunyodagi konlarning 60% xitoylik kompaniyalarga tegishli.

“Sayyoramizda bu metalning taqchilligi yo‘q, lekin uni qazib olish va qayta ishlash ko‘rsatkichlari past”, deydi milliarder. 

Ma’lumot uchun, Tesla 2022-yilning birinchi choragida rekord darajadagi 310 048 ta avtomobil yetkazib berdi. Mask bu davrni Xitoyda koronavirus tufayli yetkazib berish zanjiridagi uzilishlar va blokirovkalar tufayli o‘ta og‘ir davr deb atadi. Xususan, Shanxaydagi Tesla yig‘ish zavodi o‘z ishini to‘xtatdi. Aprel oyi oxirida Ilon Mask Twitter’ning 44 milliard dollarlik xaridini moliyalashtirish uchun Tesla’ning 8,5 milliard dollarlik aksiyalarini sotdi. 

• Ilon_Mask
• Metallurgiya
• Tesla
• Twitter