Chorshanba kuni e’lon qilingan ilmiy tahlillarga ko‘ra, Yevropaning 12 ta shahrida 2300 ga yaqin odam anomal issiq sabab vafot etgan.

Iyun oyi oxiri va iyul oyi boshida G‘arbiy Yevropaning aksar davlatlarida haddan tashqari issiq ob-havo kuzatildi. Harorat Ispaniyada 40 darajaga qadar yetdi, Fransiyada esa o‘rmon yong‘inlari avj oldi.

London imperial kolleji hamda  London gigiyena va tropik tibbiyot maktabi olimlari tomonidan o‘tkazilgan tadqiqotga ko‘ra, ushbu davrda vafot etgan deb taxmin qilingan 2300 kishidan 1500 kishining o‘limi iqlim o‘zgarishi bilan bog‘liq deya ta’kidlanmoqda.

Tadqiqotlar Barselona, Madrid, London va Milan kabi Yevropaning 12 yirik shaharlarida olib borildi. Natijada iqlim o‘zgarishi issiqlik to‘lqinlaridagi haroratni naqd 4 darajagacha oshirgani qayd etilgan.

Yevropa Ittifoqining iqlim o‘zgarishi bo‘yicha komissiyasining hisobotida yozilishicha, joriy yilning iyun oyi 2024 va 2023-yillardagi iyun oyidan keyingi o‘rinda turuvchi eng issiq davrga aylandi. Atmosferada issiqxona gazlarining chiqindilari ko‘payib borishi sayyoramizning o‘rtacha harorati kundan-kunga oshib borayotganligini ko‘rsatadi.

• Fransiya
• Ispaniya
• Yevropa
• anomal issiq