Grow for Knowledge tarkibidagi NOP World tashkiloti dunyoning turli mamlakatlari aholisi haftada necha soat vaqtini kitob o‘qish, televizor tomosha qilish, radio tinglash va kompyuterda o‘tirish (ishlash emas) bilan mashg‘ul bo‘lishini o‘rgandi. Natijalarga ko‘ra, eng ko‘p televizor ko‘ruvchilar Tailandda (haftasiga 22 soat 24 minut), aksariyat radio tinglovchilar Argentinada (20 soat 48 daqiqa), ko‘pchilik kompyuterda o‘tiruvchilar Tayvandagi (12 soat 36 daqiqa) ekanliga aniqlandi.

Dunyoning eng ko‘p kitob o‘quvchi mamlakatlariga kelsak, kuchli o‘nlik quyidagicha:

10-11-o‘rin Vengriya va Saudiya Arabistoni bo‘lib, har birining aholisi haftasiga 6 soat 48 daqiqadan mutolaaga vaqt sarflashadi, shu bois bu ikki davlat 10-11-o‘rinlarni egalladi.

8-9-o‘rin  Shvetsiya va Fransiya - 6 soat 54 daqiqadan.

7-o‘rinni Rossiya egalladi. Ruslar har hafta 7 soat 6 daqiqa vaqtini mutolaaga vaqt sarflaydi.

6-o‘rin. Chexiya aholisi haftasiga - 7 soat 24 daqiqa.

5-o‘rinda Misr aholisi - 7 yarim soatlik ko‘rsatkich bilan.

4-o‘rin. Filippin - 7 soat 36 daqiqa.

3-o‘rin Xitoy. Chin eli aholisi haftada  8 soat vaqtini o‘qishga sarflaydi.

2-o‘rin. Tailand - 9 soat 24 daqiqa.

Tadqiqot mualliflarining ta‘kidlashicha, dunyoda eng ko‘p kitob o‘qiydigan aholiga ega mamlakat bu Hindiston bo‘lib, hindlar haftasiga o‘rtacha 10 soat 42 daqiqa kitob o‘qiydi.

Quyida dunyoning eng ko‘p o‘qiydigan va aksincha o‘qimaydigan mamlakatlar xaritasi keltirilgan.