Kecha, 6-mart kuni UFC’ning o‘rta vazn toifasidagi sportchilari Habib Nurmagomedov va Toni Fergyuson jangi oldidan matbuot anjumani tashkil etildi, deb xabar bermoqda MMAmania nashri. 

UFC’ning Twitter’dagi rasmiy sahifasiga joylangan videoda Habib va Fergyusonning sahnaga chiqib kelish jarayoni tasvirlangan. Ikkala sportchi ham yelkasiga chempionlik kamarini taqib olgandi. Fergyuson kamarini yerga qo‘yib, buni qo‘lga kiritish uchun jangda uni mag‘lub qilishi kerakligini qayta-qayta takrorladi. Habib bunga javoban kamarni tepib yubordi. 

UFC 249 doirasida bu jangni o‘tkazish beshinchi bor rejalashtirilyapti. Unga qadar bo‘lgan janglarning barchasi turli sabablarga ko‘ra bekor qilingandi.

THE RIVALRY IS BACK!

🏆 @TeamKhabib vs 🕶 @TonyFergusonXT

We'll see you soon, Brooklyn! #UFC249 pic.twitter.com/UzoNpJ9xnw

— UFC (@ufc) March 6, 2020

Habib va Fergyuson o‘rtasidagi jang 18-aprel kuni Nyu Yorkdagi Barclays Center arenasida bo‘lib o‘tadi.

UFC rasmiylarining ta’kidlashicha, Konor MakGregor ikki sportchining biri bilan jang qilishi mumkin. Bu katta ehtimol bilan Habibga qarshi revansh jangi bo‘ladi.

Eslatib o‘tamiz, ikkala jangchi 6-mart kuni matbuot anjumanida ishtirok etishi haqida xabar bergandik.