Kuni kecha Italiya matbuotida Eldor Shomurodov “Roma”ni tark etishi mumkinligi haqida xabarlar paydo boʻldi.

Maʼlum boʻlishicha, oʻzbekistonlik futbolchi yangi mavsum oldidan rimliklar bosh murabbiyi Joze Mourinyoda yaxshi taassurot qoldirmagan. Mish-mishlarga 27 yoshli futbolchining agenti Qahhor Moʻminov izoh berdi.

“Transfer oynasi vaqtida turli variantlar va talqinlar boʻladi. Hozir faqat bir narsani aytishimiz mumkin: Eldor “Roma” futbolchisi. Qolgan hammasi matbuotdagi taxminlar”, – dedi agent.

Maʼlumot oʻrnida, Shomurodov rimliklar tarkibida jami 39 ta oʻyinda qatnashib, 5 ta gol va 6 ta golli uzatmaga mualliflik qilgan.

“Roma”ga qadar “Jenoa”, “Rostov” va “Bunyodkor” klublarida toʻp tepgan hujumchining transfer qiymati 8 million yevroga baholamoqda.

• Eldor Shomurodov
• Futbol