Кеча, 140май оқшомида “Барселона” Испания Ла лигасининг 34-тури доирасида “Эспаньол”ни қабул қилиб, 4:2 ҳисобида ғалаба қозонганди.

Хави жамоаси таркибида Алекс Балде, Жюл Кунде гол урди, Роберт Левандовски дубль қайд этди. Меҳмонлар сафида эса голларга Хавер Пуадо ва Хоселу муаллифлик қилишди.

Шу тариқа, Каталония клуби Испания чемпионатида 27чи ва 2019 йилдан бери илк бор чемпионликни қўлга киритди.

Шунингдек, “кўканорранглилар” 24 йил ичида биринчи марта Лионел Мессисиз Испания чемпионига айланишди.

Сўнгги бор “Барса” аргентиналик ҳужумчисиз 1998/99 йилги мавсумда мутахассис Луи ван Гал қўл остида чемпион бўлганди.

“Барселона” 34 тур натижасига кўра 85 очко жамғарди. Турнир жадвалида иккинчи ўринда бораётган “Реал” билан орадаги фарқ 14 очкога етди. “Эспаньол” эса 34 ўйинда 31 очко билан сўнгги поғонада бормоқда.

• Барселона
• Футбол
• Ла Лига