"BepiColombo" космик аппарати Меркурий юзасини суратга олди ва уни ерлик астрономларга тақдим этди. Бу ҳақида Европа космик агентлиги маълум қилган.

"BepiColombo" 23 июнь куни сайёрадан 200 километр узоқликда учиб ўтган ва суратларни Ерга етказган. Аппарат сайёранинг ёруғлик тушадиган томонидан 920 километр масофадан учиб ўтгани айтилмоқда.

Астрономлар томонидан қўлга киритилган суратларда Меркурийнинг геологик ўзига хосликлари, жумладан эни 200 километрдан каттароқ ҳалқаларни кўриш мумкин. Космик аппарат ўз суратларида "Challenger Rupes" деб номланувчи улкан ўйиқни ҳам қайд этган.

Олимлар Меркурийдаги ўйиқларга илмий экспедициялар ва кемаларнинг номини беришни анъана тусига киритганлар. "Challenger" кемаси 1872-1876 йилларда Тинч ва Атлантика океанларида илмий тадқиқотлар ўтказган. Ушбу кема экспедициялари замонавий океанография асосини ташкил қилади.

Олимлар сайёра юзасидаги ўйиқлар Меркурийнинг тектоник фаоллиги тарихини қайта тиклаш учун ёрдам беришига умид боғламоқдалар. "BepiColombo" миссиясининг асосий мақсади ҳам мана шу ҳудуд ҳисобланади.

• Iqtisodiy tadqiqotlar va islohotlar markazi
• Коинот
• Ўзбеккосмос
• илм-фан
• қизиқарли