“Тошкент вилоятининг тоғли ҳудудлари бўйлаб қатновни йўлга қўйиш мақсадида “Тошавтобустранс” компанияси томонидан 20 та Ford микроавтобуси харид қилинди”, – дея хабар бермоқда “Тошшаҳартрансхизмат”.

Микроавтобуслар янги Чиноркент-Юсуфхона-Чимён-Амирсой йўналишида ишга туширилади.

Микроавтобусда сунъий интеллект орқали ишлайдиган Antison DSM камералари мавжуд. Унда 16 та ўриндиқ бўлиб, йўловчилар учун махсус юкхона ҳам бор.

“Мазкур йўналиш тоғли ҳудудлардан ўтиши сабабли йўловчилар хавфсизлиги масаласига алоҳида эътибор қаратилган. Шу боис, бир қатор масъул ташкилотлар мутахассислари ва тажрибали ташувчилар иштирокида махсус синов қатновлари ташкил этилган. Синов натижаларига кўра, Ford микроавтобуслари тоғли йўллар шароитида хавфсиз ва қулай транспорт воситаси сифатида танланган”, – дейилади хабарда.

Маълумот учун, авваллари Тошкентдан Хўжакентгача қатнаган электропоезд қатнови 2025 йил январь ойи охиридан 1,5 км масофага — Чорвоқ шаҳарчасида яқинида жойлашган “Чиноркент” бекатигача узайтирилганди.

• Avtotransport
• Toshkent viloyati
• Тошшаҳартранс