Агар бу йўналишдаги тараққиёт жорий йилдагидек 0,3 фоиз даражасида давом этса, дунёда гендер тенгсизлиги 131 йил ичида бартараф этилиши мумкин.

Жаҳон Иқтисодий Форуми (ЖИФ) Глобал Гендер Гап 2023 ҳисоботи 146 мамлакатда гендер тенглиги ҳолатини тўртта устун бўйича акс эттиради: "иқтисодий инклюзивлик ва имкониятлар", "таълим ютуғи", "соғлик ва омон қолиш" ва "сиёсий имкониятлар".

Ушбу ҳисоботга кўра, дунёда гендер тенгсизлик муаммосини ҳал қилиш суръати турли инқирозлар туфайли сезиларли даражада секинлашган.

ЖИФ маълумотларига кўра, бу йил ўтган йилга нисбатан гендер тенгсизлиги 0,3 фоизга камайди.

Таълим даражасида гендер тенглигига эришиш тараққиётнинг асосий кўрсаткичи бўлди. ЖИФ ҳисоботни 2006 йилда эълон қила бошлаганидан бери гендер тенглиги йўлидаги тараққиёт атиги 4,1 фоизга ошди.

Агар дунёда гендер тенгсизлигига барҳам бериш йўлидаги тараққиёт ҳозирги суръатда давом этса, бу бўшлиқни фақат 2154 йилга келиб, яъни 131 йилдан сўнггина тугатиш мумкинлиги аниқланди.

Бундан ташқари, иқтисодий номутаносибликларни бартараф этиш учун 169 йил ва сиёсий имкониятлардаги номутаносибликларни бартараф этиш учун 162 йил керак бўлиши мумкин.

Гендер тенглиги дунёнинг ҳеч бир давлатида 100 фоизга бартараф этилмаган. Исландия 91,2 фоиз билан биринчи ўринни эгаллади ва 14 йил кетма-кет бу борада етакчилик қилмоқда.

Бу кўрсаткич Норвегияда 87,9 фоиз, Финляндияда 86,3 фоиз, Янги Зеландияда 85,6 фоиз ва Швецияда 81,5 фоизни ташкил этади. Германияда гендер тенглик даражаси 81,5 фоиз, Никарагуа 81,1 фоиз, Намибия 80,2 фоиз, Литва 80 фоиз ва Белгияда 79,6 фоизни ташкил этди. Белгия биринчи марта гендер тенглиги энг юқори бўлган 10 та давлат қаторига киради.

Туркия 63,8 фоиз билан гендер тенглиги бўйича 129-ўринни эгаллади.

Гендер тенглик даражаси энг паст бўлган мамлакат Афғонистон бўлган – 40 фоиз, ундан кейин Чад, Жазоир, Эрон ва Покистон – 57 фоиз.

• Gender tenglik