Жорий йилнинг 11 июль куни avtoraqam.uzex.uz савдо тизимида ўтказилган онлайн-аукционда жами 3,01 млрд сўмлик авторақамлар сотилди. Бу ҳақда республика товар-хом ашё биржаси матбуот хизмати хабар берди.

Хусусан, сотилган авторақамлар сони 666 тани ташкил этиб, тузилган битта битимнинг ўртача қиймати 4,5 млн сўм бўлган. Шу билан бирга, энг арзон сотилган авторақам қиймати — 1,7 млн сўм.

Ўз навбатида, энг қиммат сотилган авторақам қиймати 508 млн сўмни ташкил этди. Бундан олдинги, 9 июль кунги савдоларда энг “чиройли” авторақам 414,1 млн сўмга сотилганди.

Жорий йилнинг биринчи чорагида товар биржасида автомобиль рақамлари савдоси уч баробардан кўпроққа ошиб, 212,2 млрд сўмни ташкил этди.

Энг қиммат “чиройли” авторақам тошкентлик юридик шахсга 517,14 млн сўмга сотилган.

• Аукцион
• Автомобил
• Биржа