Украинанинг Россия билан урушдаги фронт чизиғи тобора яқинлашиб келаётган Краматорск шаҳрида 35 ёшли Тетяна ва Александр никоҳдан ўтди. Бу ҳақда «The Guardian» хабар берди.

Маълум қилинишича, жуфтлик 29 август — Украина Мустақиллик куни муносабати билан шаҳар марказидаги Тинчлик майдонида тўй маросимини ўтказган. Маросим ҳаво ҳужумлари ва дронлар хавфи юқори бўлган шароитда, дронларга қарши ҳимоя тўрлари остида бўлиб ўтган.

Краматорск тўйга уч кун қолганида расман жанговар ҳудудлар рўйхатига киритилган. Россия қўшинлари Донецк вилоятининг Украина назоратида қолayotgan ҳудудларига яқинлашар экан, шаҳарга уюштирилаётган ҳужумлар ҳам кучаймоқда.

Нашр маълумотларига кўра, никоҳдан олдинги бир неча кун ичида Краматорскда 51 та ўққа тутиш ҳолати қайд этилган ва олти киши ҳалок бўлган.