Бугун, 14 февраль куни соат 04:53 да Жиззах вилояти, Фориш туманида кузатилган қисқа муддатли кучли ёмғир ёғиши натижасида “Қизилқум” МФЙ, Қизилқум қишлоғидан сел-сувлари оқимлари оқиб ўтиши кузатилган. Бу ҳақда Фавқулодда вазиятлар вазирлиги хабар берди.

Дастлабки маълумотларга кўра, “Қизилқум” МФЙ, Қизилқум қишлоғи Эрали кўчасидаги тахминан 30 га яқин аҳоли хонадонларнинг ҳовлиси ва томорқаларига сел-сувлари кириши кузатилган.

Вазият оқибатларини бартараф этишга барча зарур техника ва куч-воситалар жалб этилган.

“Ҳодиса оқибатида вафот этган ва жароҳат олганлар йўқ.

Вазият вилоят ФВБ томонидан тўлиқ назоратга олинган”, – дейилади хабарда.

• ФВВ
• Жиззах
• Сел