Францияда динозаврлар давридан олдин ҳам Ерда яшаган ноодатий мавжудотнинг қолдиқлари топилди. Унинг тузилиши кичик бошли юмалоқ калтакесакга ўхшайди. Палеонтологлар, бу сутемизувчиларнинг илгари номаълум бўлган аждоди деган хулосага келишди.

Жониворнинг узунлиги тахминан тўрт метрга етди. Унга “Lalieudorhynchus gandi” деб ном берилди. У 265 миллион йил аввал Пангея суперконтинентида яшаган.

Қолдиқлар Франция жанубидаги Лодев дарёси ҳавзасида топилган. Палеонтологлар ҳар бирининг узунлиги тахминан 60 сантиметр бўлган иккита катта қовурға суяклари, 35 см узунликдаги сон суяги ва ярим метрли елка пичоғини аниқладилар.

Таҳлиллар узоқ давом этди. Чунки суяклар қаттиқ қумтошларбилан ўралган эди. Ниҳоят олимлар ушбу сутемизувчини динозаврлардан олдин яшаган казеидлар гуруҳига мансуб эканлигини аниқшлашди.

Олимларнинг таъкидлашича, динозаврлар пайдо бўлишидан олдин бу сутемизувчиларнинг аждодлари Ер сайёрасида доминант гуруҳ бўлган. Казеидларнинг 20 дан ортиқ турлари маълум. Уларнинг қолдиқлари Америка Қўшма Штатлари ва Россия ҳудудида топилган.

• Paleontologiya
• қизиқарли
• тадқиқот