Қироллик ташқи ишлар вазирлиги жума куни кечқурун 11 ноябрь куни фавқулодда саммитга мезбонлик қилишини маълум қилган эди. Бугун ислом ва араб дунёси давлатлари Ғазодаги ёмонлашган вазиятни муҳокама қилиш учун йиғилди, деб хабар берди Ал-Жазира нашри.
Вазирлик маълумотларига кўра, қўшма йиғилиш мамлакатлар саъй-ҳаракатларни бирлаштириш ва ягона жамоавий позицияни яратиш ҳамда Ғазо секторида юз бераётган ҳолатларга яхлит ечим топиш учун ўтказилмоқдa.
ИҲТга ислом оламининг турли мамлакатларидаги аъзо давлатлар, жумладан, Фаластин ҳудудига қўшни Миср ва Иордания, Ливан, Туркия ва Ироқ киради.
Эрон, агар Исроил ҳужумларини тўхтатмаса, уруш кўлами кенгайиши ҳақида қайта-қайта огоҳлантирмоқда. Ар-Риёддаги йиғилишга Эрон президент Иброҳим Раиси ташриф буюрди. Бу Эрон президентининг 11 йил ичида биринчи ташрифи бўлди.
Эрон раҳбари шанба куни Ар-Риёдга жўнаб кетиш олдидан:“Ғазо сўз майдони эмас. Бу ер ҳаракат майдонига айланиш вақти келди. Ҳозирда Ғазода ционистик режим томонидан амалга оширилаётган ваҳшийликлар инсониятга қарши жиноятларнинг яққол мисолидир. Америкаликлар ўз сўзлари ва хабарларида уруш кўлами кенгайишини истамасликларини айтишмоқда, аммо бу даъво ҳеч қандай тарзда уларнинг ҳаракатларига мос келмаяпти. Негаки, Исроилнинг уруш машинаси учун ёқилғини АҚШ таъминлаб турибди", дея ўзининг очиқ позициясини билдирган.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!