“Трамп маъмурияти Берлин сўраган 173 та SM-6 Block I ва 577 та SМ-2 Block IIIC ракеталарини сотишни дастлабки тарзда маъқуллади”, деб ёзади Bloomberg агентлиги.

Қўшма Штатларнинг Мудофаа ва хавфсизлик бўйича ҳамкорлик агентлиги (DSCА) баёнотига кўра, бу ракеталар Германияга “жорий ва келажакдаги таҳдидларга жавоб беришда” ёрдам беради ҳамда Аегис ракетага қарши мудофаа тизимига эга F127 фрегатларида ҳам қўлланади.

Ракеталарни харид қилиш Германия Қуролли кучларининг АҚШ ва НАТО иттифоқчилари армиялари билан мувофиқлашувини ҳам осонлаштиради, дея қўшимча қилди DSCA.

“Германия ҳукумати ишлаб чиқарувчилар билан шартноманинг якуний шартларини келишиб олиши керак. Шу билан бирга, ушбу савдони АҚШ Конгресси тўсиб қўйиши ҳам мумкин”, дейилади Bloomberg хабарида.

• АҚШ
• Германия
• Мудофаа
• Raketa