“Дунё” ахборот агентлиги хабар беришича, Деҳлида жойлашган Жамия Миллия Исломия марказий университети янги ўқув йилидан бошлаб ўзбек тили, адабиёти ва маданияти йўналишида тўрт йиллик бакалавриат дастури ишга туширилади.

Унинг битирувчилари Тошкент ва Деҳли ўртасидаги маданий ҳамда иқтисодий мулоқотнинг асосий воситачилари бўлиши кутилмоқда.

Таълим муассасида 2004 йилдан буён ўзбек тили курслари фаолият юритиб келаётгани, шу даврда юзлаб ҳинд ёшлари мазкур курсларни тамомлаб, олинган билимларни туризм, бизнес, дипломатия ва илмий тадқиқотлар соҳаларида қўллаётгани таъкидланди.

Маълумот учун Жамия Миллия Исломия 1920 йилда ташкил этилган бўлиб, Институтларни рейтинглаш миллий тизимида мамлакатнинг энг яхши 3 та олий ўқув юрти қаторида туради, World University Rankings халқаро рейтингида эса 500 таликка кирган. Университетнинг иккита ўқув биноси ўзбек олимлари ва мутафаккирларига бўлган ҳурмат рамзи сифатида Абу Райҳон Беруний ва Абу Али ибн Сино номлари билан аталади.

• Бакалавр
• Ҳиндистон
• Университет