EFE нашри хабарига кўра, Испаниянинг Севиля провинциясидаги барда юз берган отишмада икки киши ҳалок бўлган, яна бири яраланган.

“Шанба куни тушдан кейин Кармона (Севиля провинцияси) муниципалитетининг Лос-Нетос урбанизациясида жойлашган барда содир бўлган отишма натижасида икки киши ҳалок бўлди, яна бири яраланди”, – деб ёзади нашр.

Гувоҳларнинг сўзларига кўра, қуролли икки киши барга бостириб кириб, ўт очган. Қайд этилишича, ҳужумдан сўнг икки эркак шаҳар томон қочиб кетган, уларнинг қаерда эканлиги аниқланмоқда. Фуқаролик гвардияси тергов бошлаганини маълум қилинди.

• Ispaniya
• Отишма