2025 йил 25 сентябрь куни Исроил ҳаво кучлари томонидан Яман пойтахти Сана шаҳрига кучли зарба берилди. Ҳужум натижасида камида 8 нафар тинч фуқаро ҳалок бўлди, яна 142 нафар киши турли даражада жароҳат олди. Бу ҳақда ҳукуматнинг ҳусийлар (Ансор Аллоҳ) томонидан тузилган таркибидаги Соғлиқни сақлаш вазирлиги маълум қилди.

Расмий баёнотларга кўра, фуқаролик мудофаа ва қутқарув хизматлари ҳозирги вақтда вайроналар остида қолган одамларни қидириш ишларини давом эттирмоқда.

Исроил расмийлари бу амалиётни ҳусийлар томонидан Исроилга йўлланган дрон ва ракеталар ҳужумига жавоб сифатида амалга оширилганини маълум қилди. Ҳужум пайтида ҳусийларга тегишли ҳарбий иншоотлар, алоқа марказлари ва қурол-аслаҳа омборлари нишонга олинган.

Ҳусийлар эса бу ҳужумни “Тинч аҳолига қарши агрессия” сифатида баҳолади ва уни инсон ҳуқуқларига зид ҳаракат деб атади.

Зарбалар натижасида Санадаги энергетика, сув ва электр таъминоти инфратузилмаларига жиддий зиён етди. Шаҳарда бир неча турар жой бинолари вайрон бўлди, кўплаб фуқаролар ўз уйларини йўқотди.

• Isroil
• Уруш
• Яман